សមាសភាពគណៈរដ្ឋមន្រ្តី អាណត្តិទី៦ (២០១៨-២០២៣)

ព្រះកុរណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា នៅថ្ងៃទី០៦ ខែកញ្ញា ឆ្នាំ២០១៨​បានចេញ​ព្រះ​រាជ​ក្រឹត្យ​ ត្រាស់បង្គាប់តែងតាំងសមាសភាពគណៈរដ្ឋមន្រ្តី សម្រាប់អាណត្តិ​ទី៦ក្រោយទទួលបានការបោះឆ្នោត​ផ្តល់សេចក្តីទុកចិត្តពី​រដ្ឋសភា និងចូលស្បថកាន់តំណែង គណៈរដ្ឋមន្រ្តី អាណត្តិថ្មី មានសម្តេចតេជោ ហ៊ុន សែន ធ្វើជានាយករដ្ឋមន្រ្តី អមដោយឧប​នាយករដ្ឋមន្រ្តី​ចំនួន១០រូប ទេស​រដ្ឋមន្រ្តី​ចំនួន១៧រូប និងរដ្ឋមន្រ្តីចំនួន២៩រូប។ សមាសភាពរាជរដ្ឋាភិបាលអាណត្តិទី០៦នេះ មិនមានរដ្ឋលេខាធិការ ដូចអាណត្តិទី០៥ទេ​ឧបនាយក​រដ្ឋមន្រ្តីត្រូវបានដំឡើងថ្មីចំនួន៣រូប រួមមាន លោក ប្រាក់ សុខុន, លោក អូន ព័ន្ធមុនីរ័ត្ន និងលោក ជា សុផារ៉ា​ចំណែក​ទេសរដ្ឋមន្រ្តីកើនពី១៥នាក់ ទៅ១៧នាក់៕